الديك دا طور

قصيدة الديك دا طور للشاعرة ايمان بكري
القصيدة دي بتتنطق زي بتوع النوبه


ايها السادة اللي مش سادة
اليكم نشرة الهم المعاده
في حديث خاص لاذاعة هس هس العالمية
صرح الوالي المعظم من ولاية ننا ننا
للولاية بتاعنا انا
اللي عارف كل حاجة
واللي فاهم كل حاجة
واللي مش محتاج لحاجة
الا لشوية عزيمة على حبة من ارادة

بس عايزين الصراحة
كان حديثه نيله خالص
سوري عفوا
كان حديثة حلو خالص
والمذيعة حلوة خالص
والكلام كان حلو خالص
بس كان هايص ولايص

تنك الساعتين بطوله
مش لاقي حاجة يقوله
واللي بيقوله يعيده
واللي بيعيده يقوله
خلت العثمان بتاعنا
عقله خلبط خلطبيته
قاله يخرب بيت ابوكي
قولي حاجة يا مصيبه
انتي ويانا عليهم
ولا وياهم علينا

تنح المسؤول وقاله
يابلاوي افهموني
انا طول عمري حيادي
اعشق اللون الرمادي
بس فكري كان ضروري
يكون احادي
زي فكر اللي جابوني
كان ضروري يكون احادي

قاله عثمان يا عظمتك
يعني قصدك ديكتاتور
قاله ديك دا اللي قصادك
ولا طور
قاله ديك
قاله يبقى انت اللي طور